It wie mar in hiel lyts berjochtsje yn it FD fan juster: Jet Bussemaker, ús minister fan ûnderwiis, kultuer en wittenskip, hie wer ris in geweldich plan. Studinten út it bûtenlân, dy 't hjir oan ien fan ús Hegeskoallen studeare, moatte stimulearre wurde om hjir ek te wurkjen. Dêrmei slane wy meardere miggen tagelyk, neffens Jetteketet, want sa helje wy net allinnich bûtenlânske toppers nei Nederlânske funksjes, dêrmei wurdt it ek nochris ekstra ynteressant om hjirhinne te studearen, as bûtenlanner.
Om dy studinten no sa fier te krijen, moatte se fergees Nederlânsk leare kinne en foaral ek breed ynfierd wurde yn 'e Nederlânske kultuer, sadat se harren hjir och sa thús fiele sille en hjir graach bliuwe wolle.
Dat is moai fan Jet. Al dy muoite om dizze toppers beet te hâlden foar ús lân, want ja, sels binne wy útsoarte de ûnnoazele kant neist, en faaks net by steat om in HBO-funksje te ferfullen.
Stap 2 is dan fansels gau nommen: bedriuwen krije subsydzje om dizze potinsjele managers oan wurk te helpen. Geweldich. Dat Nederlân dochs.
Kinst my wol rjochtút stekke.
Net dat ik dy lju harren wurk net gun hear, och hea, nee, mar it stekt my ferskuorrend.
Ferline wike wie der yn it nijs omtinken foar in lyts jonkje yn Utert. Hy is hjir berne en grutwurden. Sit hjir fansels op skoalle en op fuotbaljen en wit ik wat al net mear. Syn maat wie der ek by. Dat is in 'gewoane' Hollander. It jonkje skriemde dikke triennen want hy moast syn bêste maat kwyt. Wat is no it gefal? It jonkje mei hjir dan berne wêze, neffens ús treflike regear hat er gjin rjocht om hjir te wêzen en dus moat er werom nei it lân dêr 't syn mem wei komt. Net dat er dêr wat te sykjen hat hear, mar dat frekt fierder neat. Bern binne fleksibel juh, dy passe harren wol wer oan.
It jonkje is net in bûtengewoan fuotbaltalent, oars hiene der al lang rigen amtners foar syn doar stien om him te naturalisearjen ta Nederlanner. In útsûnderlik musikus is er ek net. En ek noch net âld genôch om nei it HBO of de universiteit. Skande. Hy wurdt sûnder pardon útset.
Nee, dan Jet mei har idee. Dat moatte wy mar omearmje.
Nederlân, it lân dêr 't jo fan herte wolkom binne as jo de steat genôch opsmite.
Alfêst in noflike kryst.
Posts tonen met het label HBO. Alle posts tonen
Posts tonen met het label HBO. Alle posts tonen
dinsdag 26 november 2013
maandag 24 september 2012
Doch my mar in Kolchoz.
Hmm, sil ik ek wer ris blogge, no't de hjerst fan start is en ik dus legitym de kleden tichtlûke en in kearske oanstekke mei jûns? Ja. Kin ik wolris dwaan.
De lêste kear skreau ik oer de ferkiezings. Dy ha no west. Ik wit net wat ik moat gûle, as flokke. Wy sjitte der wer gjin flikker mei op. Mar wa kin de rotsoai noch oplosse dêr't wy yn sitte mei syn allen?
Ik soe it net witte. Minsken moatte trochwurkje oan't nei har 65ste, want men is benaud foar "arbeidskrapte". Tuurlik. Se bedoele: trochwurkje bliksem, dan hoege wy gjin AOW út te kearen en kinne wy langer gokke mei jim soer fertsjinne pensioenpreemjes. Fan arbeidskrapte kin gjin sprake wêze, der ha noch nea sa folle minsken wurkleas west as no. Elk sit yn'e sjit, liket it wol. Pensioen opbouwe dogge jo yn de lêste jierren fan jo wurkseme libben, mar tsjin dy tiid binne jo al lang ûntslein, omdat jo te djoer binne foar de baas. Trochwurkje oant nei jo 65ste is moai betocht, mar it ienige wat it regear der mei berikt is dat de útkearing net fan 'e AOW komt, mar fan'e WW. Mar dy wurdt flink koarte is it doel.
As jongere ha jo it hielendal dreech: HBO-diploma en âlder as 23: te âld (gjin jeugdlean mear) en te heech kwalifiseard foar oar wurk. MBO-diploma en âlder as 23: ferjit it mar. Jonger as 23: moai, jo kinne in hantsjefol tydlike kontrakten krije en bedarje dan op'e bank, omt der wer in nije MBO-er fan ûnder de 23 komt, dy't foar jeugdlean wurket. Sitte jo ien kear by it UWV, dan binne jo noch net klear: se wolle jo links en rjochts wurkûnderfining opdwaan litte. De beammen groeie yn'e himel, sa seit it bedriuw dêr't jo hinnestjoerd wurde. Trije moanne lang wurkje jo je in slach yn 'e rûnte. It bedriuw strykt subsydzje op, want it jout in wurkleaze ommers in kâns? Nei dy trije moanne kinne jo it wer ferjitte. It wurdt in 0-oere kontrakt, wat safolle betsjut as de stront oprêde as it fekânsje of wykein of nacht is, want dan binne minsken mei fêste oere te djoer) en fierder gjin rjochten en ek praktysk gjin oeren mear. Moai systeem, of net?
In hierwente besette falt net ta: de korporaasjes ferkeapje it measte. Mar in hypteek kinne je net krije op in 0-oere kontrakt. Logysk.
Dit wie noch mar in lytse opsomming. Ik sil jim besparje wêr't jo tsjinoan rinne as allinnichsteande mem fan 36 mei twa bern, in HBO-diploma fan hast fyftjin jier âld, in hûs dêr't jo net ôf kinne, in 0-oere kontrakt en no en dan in freelanceputsje.
Ik wol gewoan wurkje godferdomme. Simpel sat. En net hearre dat ik "overgekwalificeerd" bin. Donderje in ein op. Ik wol ek wol komkommers plukke hear. Mei net. Dêr ha se in sekfol poalen foar oanrukke litten, dy dogge it foar minder as ús minimumlean. Joepie. Litte wy nochris in pear miljard nei earmlestige lannen yn'e Eurozone bringe. Litte wy bonussen tastean bliuwe. Litte wy de privatisearring fierder útbouwe. Litte wy der foar soargjen bliuwe dat de pensioenen fan politisy wol gelyk bliuwe. Litte wy besykje oft it ek better is om 135 ta te stean op sneldiken. Litte wy.... Jezus, ik wol wurkje. Ik wol ek bêst mear belesting betelje, as dat ynhâldt dat soarch en ûnderwiis garandearre binne. Je soene hast hoopje dat der ien as oare idioat mei licht kommunistyske ynslach besiket dit lân wer in soasjaal oansjoch te jaan. Ik wol in kolchoz. Of sa.
De lêste kear skreau ik oer de ferkiezings. Dy ha no west. Ik wit net wat ik moat gûle, as flokke. Wy sjitte der wer gjin flikker mei op. Mar wa kin de rotsoai noch oplosse dêr't wy yn sitte mei syn allen?
Ik soe it net witte. Minsken moatte trochwurkje oan't nei har 65ste, want men is benaud foar "arbeidskrapte". Tuurlik. Se bedoele: trochwurkje bliksem, dan hoege wy gjin AOW út te kearen en kinne wy langer gokke mei jim soer fertsjinne pensioenpreemjes. Fan arbeidskrapte kin gjin sprake wêze, der ha noch nea sa folle minsken wurkleas west as no. Elk sit yn'e sjit, liket it wol. Pensioen opbouwe dogge jo yn de lêste jierren fan jo wurkseme libben, mar tsjin dy tiid binne jo al lang ûntslein, omdat jo te djoer binne foar de baas. Trochwurkje oant nei jo 65ste is moai betocht, mar it ienige wat it regear der mei berikt is dat de útkearing net fan 'e AOW komt, mar fan'e WW. Mar dy wurdt flink koarte is it doel.
As jongere ha jo it hielendal dreech: HBO-diploma en âlder as 23: te âld (gjin jeugdlean mear) en te heech kwalifiseard foar oar wurk. MBO-diploma en âlder as 23: ferjit it mar. Jonger as 23: moai, jo kinne in hantsjefol tydlike kontrakten krije en bedarje dan op'e bank, omt der wer in nije MBO-er fan ûnder de 23 komt, dy't foar jeugdlean wurket. Sitte jo ien kear by it UWV, dan binne jo noch net klear: se wolle jo links en rjochts wurkûnderfining opdwaan litte. De beammen groeie yn'e himel, sa seit it bedriuw dêr't jo hinnestjoerd wurde. Trije moanne lang wurkje jo je in slach yn 'e rûnte. It bedriuw strykt subsydzje op, want it jout in wurkleaze ommers in kâns? Nei dy trije moanne kinne jo it wer ferjitte. It wurdt in 0-oere kontrakt, wat safolle betsjut as de stront oprêde as it fekânsje of wykein of nacht is, want dan binne minsken mei fêste oere te djoer) en fierder gjin rjochten en ek praktysk gjin oeren mear. Moai systeem, of net?
In hierwente besette falt net ta: de korporaasjes ferkeapje it measte. Mar in hypteek kinne je net krije op in 0-oere kontrakt. Logysk.
Dit wie noch mar in lytse opsomming. Ik sil jim besparje wêr't jo tsjinoan rinne as allinnichsteande mem fan 36 mei twa bern, in HBO-diploma fan hast fyftjin jier âld, in hûs dêr't jo net ôf kinne, in 0-oere kontrakt en no en dan in freelanceputsje.
Ik wol gewoan wurkje godferdomme. Simpel sat. En net hearre dat ik "overgekwalificeerd" bin. Donderje in ein op. Ik wol ek wol komkommers plukke hear. Mei net. Dêr ha se in sekfol poalen foar oanrukke litten, dy dogge it foar minder as ús minimumlean. Joepie. Litte wy nochris in pear miljard nei earmlestige lannen yn'e Eurozone bringe. Litte wy bonussen tastean bliuwe. Litte wy de privatisearring fierder útbouwe. Litte wy der foar soargjen bliuwe dat de pensioenen fan politisy wol gelyk bliuwe. Litte wy besykje oft it ek better is om 135 ta te stean op sneldiken. Litte wy.... Jezus, ik wol wurkje. Ik wol ek bêst mear belesting betelje, as dat ynhâldt dat soarch en ûnderwiis garandearre binne. Je soene hast hoopje dat der ien as oare idioat mei licht kommunistyske ynslach besiket dit lân wer in soasjaal oansjoch te jaan. Ik wol in kolchoz. Of sa.
Abonneren op:
Posts (Atom)